Sharad Pawar Candidate List: महाराष्ट्रातील राजकीय वातावरण सध्या खूप तापलेलं आहे. शरद पवार यांच्या नेतृत्वाखालील राष्ट्रवादी काँग्रेसच्या गटाकडून 2024 विधानसभा निवडणुकीसाठी पहिल्या उमेदवारांची यादी जाहीर करण्यात आली आहे. या यादीत 45 उमेदवारांची नावे समाविष्ट असून, या यादीने महाराष्ट्राच्या राजकारणात चांगलीच खळबळ उडवली आहे.
यादीनुसार, बारामतीसाठी युगेंद्र पवार यांना उमेदवारी देण्यात आली आहे, ज्यामुळे बारामतीत अजित पवार विरुद्ध पुतणे युगेंद्र पवार अशी थेट लढत रंगणार आहे. पवार कुटुंबामधील हे संघर्षाचे पर्व नेहमीच चर्चेत राहिले आहे, परंतु आता विधानसभेत देखील काका-पुतण्यात राजकीय लढाई बघायला मिळणार आहे.
शरद पवार गटाच्या यादीतील 45 नावे अशी आहेत: Sharad Pawar Candidate List
| मतदारसंघ | उमेदवार |
|---|---|
| इस्लामपूर | जयंत पाटील |
| काटोल | अनिल देशमुख |
| घनसावंगी | राजेश टोपे |
| कराड उत्तर | बाळासाहेब पाटील |
| मुंब्रा-कळवा | जितेंद्र आव्हाड |
| कोरेगाव | शशिकांत शिंदे |
| बसमत | जयप्रकाश दांडेगावकर |
| जळगाव ग्रामीण | गुलाबराव देवकर |
| इंदापूर | हर्षवर्धन पाटील |
| राहुरी | प्राजक्त तनपुरे |
| शिरुर | अशोक पवार |
| शिराळा | मासिंगराव नाईक |
| विक्रमगड | सुनील भुसारा |
| कर्जत-जामखेड | रोहित पवार |
| अहमदपूर | विनायकराव पाटील |
| सिंदखेडराजा | राजेंद्र शिंगणे |
| उदगीर | सुधाकर भालेराव |
| भोकरदन | चंद्रकांत दानवे |
| तुमसर | चरण वाघमारे |
| किनवट | प्रदीप नाईक |
| जिंतूर | विजय भामरे |
| केज | पृथ्वीराज साठे |
| बेलापूर | संदीप नाईक |
| वडगाव शेरी | बापूसाहेब पठारे |
| जामनेर | दिलीप खोडपे |
| मुक्ताईनगर | रोहिणी खडसे |
| मूर्तिजापूर | सम्राट डोंगरदिवे |
| नागपूर पूर्व | दिनेश्वर पेठे |
| किरोडा | रविकांत गोपचे |
| अहिरी | भाग्यश्री आत्राम |
| बदनापूर | बबलू चौधरी |
| मुरबाड | सुभाष पवार |
| घाटकोपर पूर्व | राखी जाधव |
| आंबेगाव | देवदत्त निकम |
| बारामती | युगेंद्र पवार |
| कोपरगाव | संदीप वरपे |
| शेवगाव | प्रताप ढाकणे |
| पारनेर | राणी लंके |
| आष्टी | मेहबूब शेख |
| करमाळा | नारायण पाटील |
| सोलापूर शहर उत्तर | महेश कोठे |
| चिपळूण | प्रशांत यादव |
| कागल | समरजीत घाटगे |
| तासगाव – कवठेमहंकाळ | रोहीत पाटील |
| हडपसर | प्रशांत जगताप |
या यादीत आणखी काही महत्त्वाच्या नावांचा समावेश असून, ज्यामध्ये भाजपातून आलेले नेतेही आहेत. हर्षवर्धन पाटील, समरजीत घाटगे आणि सुधाकर भालेकर यांना यादीत स्थान देण्यात आलं आहे. ही घोषणा राष्ट्रवादी काँग्रेसच्या प्रदेशाध्यक्ष जयंत पाटील यांनी एका पत्रकार परिषदेत केली.
बारामतीमध्ये अजित पवार यांच्या विरोधात युगेंद्र पवार यांना उमेदवारी देण्यात आल्यामुळे, या लढतीकडे सगळ्यांचे लक्ष लागले आहे. शरद पवार यांनी बारामतीत कसा ‘गेम’ खेळला आहे, हे वेळच सांगेल. पवार कुटुंबाच्या अंतर्गत संघर्षाची ही लढाई महाराष्ट्राच्या राजकीय इतिहासात नोंदली जाणार आहे.
राष्ट्रवादी काँग्रेसच्या या यादीत महिला उमेदवारांचा देखील महत्त्वपूर्ण समावेश आहे. खासदार निलेश लंके यांच्या पत्नी राणी लंके यांना पारनेर मतदारसंघातून उमेदवारी देण्यात आली आहे, तसेच रोहिणी खडसे यांना मुक्ताईनगरमधून उमेदवारी मिळाली आहे. त्यामुळे या निवडणुकीत महिलांची भूमिकाही मोठी राहणार आहे.
या यादीने महाराष्ट्राच्या राजकारणात नवा वादळ निर्माण केला आहे. शरद पवार गटाच्या या यादीने सत्तेच्या राजकारणात नवी दिशा निर्माण केली आहे, आणि या यादीतून विरोधी पक्षांसाठी मोठे आव्हान उभं राहिलं आहे.
Samsung Galaxy S23 FE वर 61% डिस्काउंट! दिवाळी सेलमध्ये धमाका ऑफर, किंमतीतील जबरदस्त घसरण
News Sorce- tv9marathi.com
